Xəzər Xəbər

Oktyabrda Texniki Şuralar vasitəsilə 185 müraciətə baxılıb

İqtisadiyyat | 14:46 • 13 Noyabr 2018
Oktyabrda Texniki Şuralar vasitəsilə 185 müraciətə baxılıb

Bu ilin oktyabr ayında Energetika Nazirliyinin tabeliyində olan Enerji Məsələlərini Tənzimləmə Agentliyinə sahibkarlıq obyektlərinin elektrik şəbəkəsinə qoşulması ilə bağlı "ASAN xidmət” və "ASAN Kommunal” mərkəzlərində fəaliyyət göstərən Texniki Şuralar vasitəsilə 185 müraciət daxil olub.


Nazirlikdən bildirilib ki, 182 müraciətin icrası təmin edilib, 3 müraciət isə təqdim edilmiş sənədlərdəki uyğunsuzluqlar səbəbindən icra olunmayıb.


Oktyabr ayı üzrə Texniki Şuralara daxil olmuş müraciətlər əsasında sahibkarlar tərəfindən 2550,02 kilovat güc sifariş edilib və 510453,3 manat qoşulma haqqı ödənilib.


Bütün müraciətlər 1 və 2 saylı "ASAN Kommunal” mərkəzlərində, Sumqayıt və Gəncə şəhərlərindəki "ASAN xidmət” mərkəzlərində yaradılmış Texniki Şuralar vasitəsilə qəbul edilib və icra olunub.


Enerji Məsələlərini Tənzimləmə Agentliyinin fəaliyyət göstərdiyi 6 ay ərzində "ASAN xidmət” və "ASAN Kommunal” mərkəzlərindəki Texniki Şuralara sahibkarlar tərəfindən 909 müraciət daxil olub. Ümumilikdə isə cari ilin 10 ayı üzrə Texniki Şuralar vasitəsilə 1782 müraciətə baxılıb.


2017-ci ilin may ayından fəaliyyətə başlayan Texniki Şuralarda bu günədək 2389 müraciət qeydə alınıb.

Rubrikanın digər xəbərləri

Xəbər lenti