Qida Təhlükəsizliyi Agentliyi məktəblərdə qidalanma rasionlarına nəzarət edəcək

"İyul ayının birində Azərbaycan Qida Təhlükəsizliyi Agentliyinin fəaliyyətlərindən biri də qida ticarəti sahələrinə nəzarətin həyata keçirilməsi olacaq".

Xezerxeber.az-ın məlumatına görə, bunu Azərbaycan Qida Təhlükəsizliyi Agentliyinin (AQTA) sədri Qoşqar Təhməzli bu gün keçirdiyi mətbuat konfransında bildirib. O, qida təhlükəsizliyinin ölkəmiz üçün çox önəmli olduğunu vurğulayıb.

Q. Təhməzli əlavə edib ki, agentlik məktəbəqədər təhsil müəssisələrində, orta və ali məktəblərində qidalanma rasionlarına nəzarəti həyata keçirəcək: "Uşaqların qida təhlükəsizliyi çox önəmlidir. Yaxın zamanlarda Təhsil Nazirliyinə bununla bağlı bildirişlər təqdim ediləcək. Daha sonradan həmin müəssislər üzərində nəzarəti həyata keçirəcək".