Xəzər Xəbər

Aqrar sektorda intensiv metodlardan istifadə edilməlidir - Ekspert kütləvi zəhərlənməyə münasibət bildirdi

İqtisadiyyat | 09:39 • 21 İyun 2018
Aqrar sektorda intensiv metodlardan istifadə edilməlidir -
"Bir sıra rayonlarda pambıq sahələrndə zəhərlənmə halları bəzi məqamları daha aktuallaşdırdı. Əvvəlla, pambıq sahələrində niyə zəhərli gübrələrdən istifadə edilməsinin, həmin dərmanların ölkəyə necə idxal olunmasının və ən əsası bunu kimlərin etdiyinin araşdırılmasına ehtiyac var. Bu sadəcə hüquqi məsələ deyil, həmçinin belə hallar gələcəkdə ənənəvi aqrar məhsulların istehsalına marağı azalda bilər". 


Xezxerxeber.az-ın məlumatına görə, bu barədə iqtisadçı alim Vüqar Bayramov fikir bildirib. 


O hesab edir ki, aqrar sektorda intensiv metodlardan istifadə edilməsinə vacibdir: "Hazırda dünyanın, demək olar, heç bir ölkəsində pambıqçılıqda əl əməyindən istifadə edilmir. Ən azı ona görə ki, bu halda pambığın maya dəyəri daha yüksək olur və bazarda rəqabət aparmaq imkaları məhdudlaşır. Bizdə də pambıq yığımının texnolojiləşməsinə ehtiyac var. Bu baxımdan, ümid edirik ki, Kənd Təsərrüfatı Nazirliyinin yeni rəhbərliyi dəfələrlə gündəmə gətirdiyimiz innovativ istehsal strategiyası, elektron ixrac xəritəsi kimi müasir yanaşmalardan istifadə edəcək. Ən əsası, aqrar lizinq xidmətlərində şəffaflığın gücləndirilməsinə ehtiyac var ki, fermerlərin texnikaya çıxış imkanları genişlənsin. Güman edirik ki, son faktlar kənd təsərrüfatında idarəetmənin tamamilə yeniləşməsi üçün də bir əsas olacaq".

Xəbər lenti