Pirotexniki vasitələri gömrükdən gizlətmək istədi, yaxalandı

Tovuz Gömrük İdarəsinin "Sınıq Körpü" gömrük postunda Gürcüstandan gələn Azərbaycan vətəndaşının idarə etdiyi avtomobil saxlanılıb və gömrük baxışı keçirilib.

Xezerxeber.az Dövlət Gömrük Komitəsinin saytına istinadən məlumat verir ki, baxışdan öncə, vətəndaş üzərində və idarə etdiyi "Opel Vectra" markalı nəqliyyat vasitəsində gömrük nəzarətindən gizlədilən hər hansı predmetin olmadığını bildirib. Lakin gömrük baxışı zamanı, nəqliyyat vasitəsinin arxa qapısında gizlədilmiş, üzərində "Petards" yazısı olan 250 qutu pirotexniki vasitə aşkar edilib.

Faktla bağlı araşdırma aparılır.