Bu ilin I rübündə əhalinin gəlirləri 9,8% artıb

Bu ilin yanvar-mart aylarında ölkə əhalisinin nominal gəlirləri artıb.

Dövlət Statistika Komitəsindən xezerxeber.az-a verilən məlumata görə, 2018-ci ilin yanvar-mart aylarında ölkə əhalisinin nominal gəlirləri əvvəlki ilin müvafiq dövrünə nisbətən 9,8% artaraq 12 mlrd. 533,3 mln. manat olub və ya əhalinin hər nəfərinə orta hesabla 1280,5 manat təşkil edib.

Bütün icbari və könüllü ödənişlər edildikdən sonra əhalinin sərəncamında 11582,2 milyon manatlıq və ya əvvəlki ilin eyni dövründəkindən 10,2% çox vəsait qalıb.