Ufa şəhərindən Bakıya birbaşa aviareyslər həyata keçiriləcək. Bu barədə Trend UfacityNews.ru saytına istinadən xəbər verir.
Qeyd olunur ki, uçuşlar 29 mart tarixindən etibarən "AN-148" təyyarəsində cümə axşamı günləri həyata keçiriləcək. Ufadan təyyarənin 21:55-də havaya qalxması nəzərdə tutulub, Bakıda Heydər Əliyev Beynəlxalq Hava Limanında enməsi isə 00:15-də. Uçuş 3 saat 20 dəqiqə təşkil edəcək.
Geri qayıtma vaxtı: Bakıdan qalxma - 05:40, Ufada enmə - 10:00.
Promo-tarif üzrə hər iki istiqamətdə bir aviabiletin minimal qiyməti 20 516 rus rublu (353 ABŞ dolları) təşkil edəcək.