Xəzər Xəbər

Gürcüstanın Azərbaycana borcu açıqlanıb

İqtisadiyyat | 15:44 • 7 Fevral 2018
Gürcüstanın Azərbaycana borcu açıqlanıb

2018-ci il yanvarın 31-nə olan məlumata əsasən, Gürcüstanın Azərbaycana olan xarici borcu 8,855 mln. dollar təşkil edir.

APA-nın yerli bürosunun Gürcüstan Maliyyə Nazirliyinə istinadən verdiyi xəbərə görə, qonşu ölkənin ümumi xarici dövlət borcu 5 mlrd. 332,941 mln. dollar təşkil edir. Bu məbləğin 5 mlrd. 245,513 mln. dolları hökumətin payına düşür.

Gürcüstanın ən çox borcu olduğu ölkələr Almaniya (297,123 mln. dollar), Yaponiya (216,948 mln. dollar) və Fransadır (216,677 mln. dollar).

Gürcüstanın qonşu Türkiyə, Rusiya və Ermənistana müvafiq olaraq 16,981 mln., 70,616 mln. və 10,027 mln. dollar borcu var.

Rubrikanın digər xəbərləri

Xəbər lenti