“DəmirBank”a borcu olanlara müraciət edildi

Əmanətlərin Sığortalanması Fondu ləğv prosesində olan "DəmirBank” ASC-yə borc öhdəliyi olan hüquqi və fiziki şəxslərə müraciət edib.

Fonddan XəzərXəbər-ə verilən məlumata görə, Azərbaycan Respublikası Bakı Apellyasiya Məhkəməsi tərəfindən "DəmirBank” ASC-nin müflis elan edilməsi və barəsində iflas proseduruna başlanılması haqqında 27 dekabr 2017-ci il tarixli qərar qəbul edilib. Eyni qərarla ləğv prosesində olan "DəmirBank” ASC-yə Əmanətlərin Sığortalanması Fondu 27 dekabr 2017-ci il tarixindən ləğvedici təyin edilib.

"Bununla əlaqədar olaraq, Əmanətlərin Sığortalanması Fondu müflis elan edilmiş "DəmirBank” ASC qarşısında borc öhdəliyi (kreditləri) olan hüquqi və fiziki şəxsləri məlumatlandıraraq bildirir ki, ödənişlərini köçürmə yolu ilə ləğv prosesində olan (LPO) "DəmirBank” ASC-nin Azərbaycan Respublikası Mərkəzi Bankında açılmış xüsusi ləğvetmə hesablar, nağd qaydada isə ləğv prosesində olan "DəmirBank” ASC-nin baş ofisi və filial şəbəkəsi və "DəmirPay” ödəniş terminalları vasitəsilə edə bilərlər”, - deyə məlumatda vurğulanıb.

Azərbaycan Respublikası Mərkəzi Bankında acılmış xüsusi ləğvetmə bank hesabların rekvizitləri:

LPO "DəmirBank” ASC, VÖEN
9900001471
Mərkəzi Bank, VÖEN
9900071001
SWIFT.BIK (AZN)
NABZAZ2C
SWIFT.BIK (valyuta)
NABZAZ2X
Kod
501004
Müxbir hesab AZN
AZ74NABZ01451700000000001944
Hesablaşma hesabı AZN
AZ78NABZ01350100000000054944
Müxbir hesab EUR
AZ97NABZ01452800000000003954
Hesablaşma hesabı EUR
AZ89NABZ01350200000000055954
Müxbir hesab USD
AZ32NABZ01452800000000007840
Hesablaşma hesabı USD
AZ92NABZ01350200000000057840
Müxbir hesab GBP
AZ90NABZ01452800000000005826
Hesablaşma hesabı GBP
AZ84NABZ01350200000000017826

Qeyd edək ki, borcların ödənilməsinə dair əlavə məlumat əldə etmək üçün Bakı şəhəri, Qarabağ küçəsi, 31, ləğv prosesində olan "DəmirBank” ASC-nin "Əməliyyat İdarəsi” filialına müraciət edə bilərlər.