İtaliyanın "Yuventus” klubunun portuqaliyalı hücumçusu Kriştiano Ronaldo UEFA Çempionlar Liqasında yeni rekorda imza atıb.
35 yaşlı hücumçu qitənin ən nüfuzlu futbol turnirinin beşinci turunda "Dinamo Kiyev” ilə matçda (3:0) fərqlənərək yeni rekord müəyyənləşdirib. Belə ki, K.Ronaldo UEFA Çempionlar Liqasının ev oyunlarında vurduğu qolların sayını 71-ə çatdırıb və bu göstərici üzrə "Barselona”nın kapitanı Lionel Messini (70 qol ) geridə qoyub.
Həmin görüşdə portuqaliyalı hücumçu həm də karyerasında 750-ci qolu vurub.azertac