Xəzər Xəbər

"Qalatasaray"a Fatih Terim şoku!

İdman | 18:47 • 23 İyun 2020
"Qalatasaray"a Fatih Terim şoku!

Türkiyə Super Liqasının 28-ci turunda "Qaziantep"lə 3:3 hesablı bərabərliyə razılaşan "Qalatasaray" çempionluq uğrunda mübarizədə böyük zərbə alıb.

Son saniyələrdə penaltidən vurulan qolla "yıxılan" "Cimbom"da gözlənilməz hadisələr yaşana bilər.

Türkiyə mətbuatının yazdığına görə, klubun baş məşqçisi Fatih Terim vəzifəsindən gedə bilər.

Son nəticəyə görə, olduqca məyus və qəzəbli olduğu bildirilən 66 yaşlı mütəxəssisin radikal qərar qəbul edəcəyi gözlənilir.

Super Liqada qalan 6 oyuna ancaq qələbə qazanmaq üçün çıxacaq "Qalatasaray"ın çalışdırıcısının mövsüm sonunda klubu tərk edəcəyi ehtimalı böyükdür.

Qeyd edək ki, hazırda 51 xalı olan İstanbul təmsilçisi 4-cü pillədə qərarlaşıb. 59 xala malik "Başakşəhər" isə turnir cədvəlinin lideridir.

Xəbər lenti