"Mançester Yunayted"in yayda heyətinə qatacaq futbolçulardan biri müəyyənləşib.
"Daily Mirror" xəbər verir ki, "qırmızı şeytanlar" "Sportinq"in yarımmüdafiəçisi Brunu Fernadeşin transferində anlaşma əldə edib. Bu keçid Mançester təmsilçisinə 65 milyon funt-sterlinqə başa gəlib. Portuqaliya millisinin üzvü ilə 5illik müqavilə imzalanıb. 25 yaşlı futbolçunun illik maaşı 6 milyon avro olacaq.
Lissabon klubu Fernandeşi 2017-ci ildə "Sampdoriya"dan 9,69 milyon avroya transfer etmişdi. Portuqaliyalı futbolçu bu müddət ərzində "Sportinq"də kapitanlığa qədər yüksəlib və komandada 132 oyuna 62 qol vurub, 42 assist edib.