"Roma"nın əfsanəvi futbolçusu Daniele de Rossi futbolçu karyerasını başa vurub.
Argentinanın "Boka Xuniors" klubunda çıxış edən italyan yarımmüdafiəçi 36 yaşında butslarını mıxdan asmağa qərar verib.
De Rossi 2001-2019-cu illərdə "Roma"nın uğurları üçün çalışıb.İtaliyalı futbolçu "canavarlar"da 615 oyun keçirib və bu klub tarixində ikinci ən yaxşı göstəricidir.
Təcrübəli futbolçu 2007 və 2008-ci illərdə "Roma" ilə İtaliya kubokunu qazanıb. O, 2007-ci ildə İtaliya Super kubokunun da qalibi olub. De Rossi 2006-cı ildə İtaliya millisi ilə dünya çempionu olub.