"Barselona”nın futbolçusu İvan Rakitiç Kataloniya klubundan gedəcəyi ilə bağlı yayılan xəbərlərə reaksiya verib.
İspaniya mətbuatı xəbər verir ki, xorvat yarımmüdafiəçi daha çox oynayacağı halda komandada qalmaq istədiyini deyib:
"Daim heyətdə olmaq istəyirəm. Oynaya bilsəm, mənim üçün "Barselona”dan daha yaxşı yer yoxdur. Hər günümün dadını çıxarmaq istəyirəm”.
Qeyd edək ki, İvan Rakitiç 2014-ci ildən "Barselona”nın formasını geyinir. Son vaxtlar heyətə düşməkdə çətinlik çəkən futbolçunun "İnter”ə keçəcəyi haqda xəbərlər yayılıb.
Fanat.Az