Kölndə FIA prezidenti Jan Todtun sədrliyi ilə Dünya Avtomobil İdmanı Şurasının iclası keçirilib. İclasda 2020-ci il çempionatının təqvimi təsdiq edilib.
Çempionatda mərhələlərin sayına görə rekord müəyyən olunacağı gözlənilir. Belə ki, martın ortalarından noyabrın sonunadək 22 Qran-Pri keçiriləcək: Hanoy (Vyetnam) və Zandfort (Hollandiya) mərhələləri. Yeri gəlmişkən, Niderland Qran-Prisini yalnız şərti olaraq yeni saymaq olar: bu yürüş 35 illik fasilədən sonra qayıdır. Lakin Almaniya Qran-Prisi gələn ildən keçirilməyəcək.
FIA-nın rəsmi saytında dərc olunmuş təqvimdə Vyetnam və Hollandiya mərhələləri ulduzla işarələnib. Bu, o deməkdir ki, traslar hələlik federasiyanın təkmilləşdirmə testindən keçməyib.
Mövsüm ərzində 14 yürüş həftəlik fasilələrə ayrılıb. Bunlar Avstraliya və Bəhreyn, Hollandiya və İspaniya, Azərbaycan və Kanada, Fransa və Avstriya, Belçika və İtaliya, Sinqapur və Rusiya, habelə ABŞ və Rusiya yürüşləridir. Lakin çempionata avqust ayında verilən dörd həftəlik ənənəvi fasilə saxlanılıb.
Mövsümün ilkin gündəliyi avqustun sonunda təqdim edilib və burada göstərilən yürüşlərin tarixləri rəsmən təsdiq edilmiş versiyada dəyişdirilməyib.
Dünya Avtomobil İdmanı Şurası növbəti dəfə dekabrın 4-də Parisdə toplanacaq. Burada FIA-nın Baş Assambleyası və federasiyanın himayəsi ilə keçirilən çempionatların mükafatçılarının və qaliblərinin mükafatlandırılması mərasimi keçiriləcək.
2020-ci il mövsümünün təqvimi
15 mart Avstraliya Melburn
22 mart Bəhreyn Sahir
5 aprel Vyetnam Hanoy
19 aprel Çin Şanxay
3 may Niderland Zandfort
10 may İspaniya Barselona
24 may Monako Monako
7 iyun Azərbaycan Bakı
14 iyun Kanada Monreal
28 iyun Fransa Le-Kastelle
5 iyul Avstriya Şpilberq
19 iyul Böyük Britaniya Silverstoun
2 avqust Macarıstan Budapeşt
30 avqust Belçika Spa
6 sentyabr İtaliya Montsa
20 sentyabr Sinqapur Sinqapur
27 sentyabr Rusiya Soçi
11 oktyabr Yaponiya Suzuka
25 oktyabr ABŞ Ostin
1 noyabr Mexiko Mexiko
15 noyabr Braziliya San-Paulu
29 noyabr Əbu-Dabi Yas-Marina