"Roma"nın yeni baş məşqçisi rəsmən açıqlanıb.
XəzərXəbər klubun rəsmi saytına istinadən xəbər verir ki, Paulu Fonseka İtaliya klubunun sükanı arxasına keçib. Portuqaliyalı mütəxəssislə 2+1 illik müqavilə bağlanılıb.
Mozambik əsilli baş məşqçi ötən 3 mövsüm ərzində Ukraynanın "Şaxtyor" (Donetsk) komandasına rəhbərlik edib. O, 3 dəfə ölkə çempionu və 3 dəfə kubokun, 1 dəfə Superkubokun sahibi olub. Əvvəllər isə Fonseka Portuqaliyanın "Portu", "Pasuş de Ferreyra" və "Braqa" klublarında çalışıb.
Qeyd edək ki, 46 yaşlı Paulu Fonseka "Roma"nın baş məşqçisi vəzifəsində Klaudio Ranyerini əvəzləyib.