Xəzər Xəbər

Millimizin üzvü İspaniyanın “Levante” komandası ilə müqaviləsini yeniləyib

İdman | 15:41 • 25 May 2019
Millimizin üzvü İspaniyanın “Levante” komandası ilə müqaviləsini yeniləyib

Futzal üzrə Azərbaycan milli komandasının müdafiəçisi Everton Kardoso İspaniyanın "Levante” klubu ilə müqaviləsini yeniləyib.


Azərbaycan Futzal Federasiyasından bildiriblər ki, millimizin üzvü daha 1 il İspaniya klubunda çıxış edəcək.


Ötən ilin yayında bu komandaya keçən Kardoso ilə müqavilə mayadək idi. Gəldiyi gündən komandanın əsas simasına çevrilən müdafiəçinin qalması üçün ona yeni anlaşma təqdim olunub. Nəticədə razılıq əldə olunub və Kardoso 2019-2020-ci il mövsümünü də "Levante”də keçirəcək.


Qeyd edək ki, 2016-ci ildən Azərbaycan milli komandasına cəlb edilən futzalçı 2016-2018-ci illərdə "Araz” klubunun üzvü olub.

Xəbər lenti