Alleqri klub axtarır: "Növbəti mövsümü boş keçirmək istəmirəm"

"Yuventus"la yolları ayırmağa qərar verən italiyalı baş məşqçi Massimiliano Alleqri növbəti mövsümü boş keçirmək istəmədiyini deyib.

XəzərXəbər xəbər verir ki, 51 yaşlı mütəxəssis təkliflər gözlədiyini deyib:

"Növbəti mövsümü boş keçirmək istəmirəm. Məni razı salacaq layihə tapacağıma inanıram. Həyat sürprizlərlə doludur. Hər şeyə hazır olmalısınız".

Alleqri "Yuventus"un baş məşqçi seçimində doğru seçim edəcəyini bildirib: "Klub mənim əvəzimə doğru seçim edəcək. İnsanlar burada asan uğur qazanıldığını deyir, ancaq bu, belə deyil".

Alleqri 2014-cü ildən "Yuventus"u çalışdırırdı. O, komandanı 5 dəfə İtaliya çempionu edib.