Bu gün UEFA Çempionlar Liqasında ilk finalçı müəyyənləşəcək.
XəzərXəbər xəbər verir ki, yarımfinalın cavab matçında "Liverpul” "Barselona”nı qonaq edəcək.
Bakı vaxtilə saat 23:00-da başlanacaq görüş ölkəmizdə "CBC Sport” vasitəsilə canlı yayımlanacaq.
Ev sahibləri meydana ciddi itkilərlə çıxacaq. Belə ki, Məhəmməd Salah və Nabi Keyta zədə səbəbindən kritik matçda komandasına kömək edə bilməyəcək. "Barselona"da isə Usman Dembele matça çıxmayacaq. O, "Selta” ilə liqa qarşılaşmasında zədələnib.
Qeyd edək ki, yarımfinalın digər cavab matçında sabah "Ayaks” "Tottenhem”i qəbul edəcək.
Çempionlar Liqası
Yarımfinal
Cavab oyunu
23:00. Liverpul (İngiltərə) - Barselona (İspaniya)
Baş hakim: Cünyet Çakır (Türkiyə)
Liverpul "Enfild"