"Real" 540 milyon dollar xərcləməyə hazırlaşır Əsas hədəf Poqbadır

"Real" yeni mövsüm heyətində ciddi dəyişikliklər etmək üçün transferlərə təqribən 540 milyon avro ayırmağı planlaşdırır.

Bu barədə "AS" nəşri məlumat yayıb.

Bildirilir ki, Madrid klubu Pol Poqba ("Mançester Yunayted"), Eden Hazard ("Çelsi"), Kristian Eriksen ("Tottenhem"), Tanquy Ndombele ("Lion") və Luka Yoviçi ("Ayntraxt") transfer etmək istəyir. Yeni mövsüm üçün ilk olaraq "Portu"dan 50 milyon avroya Eder Militaonu alan "Real" ümumilikdə bütün futbolçular üçün 540 milyon avro ödəməyi düşünür.

"Kral klubu" Poqbaya təqribən 150 milyon, Hazarda 112 milyon, Eriksenə 85 milyon, Ndombeleyə 80 milyon, Yoviçə 60 milyon avro təzminat ödəməyə hazırlaşır.

Bu yüksək məbləği verə bilmək üçün "Real" yayda Qaret Beyl, Xames Rodriqes və Mateo Kovaçiçi satmaq və bundan ümumilikdə 150 milyon avro əldə etməyi düşünür.