Region Liqasının 2018/2019-cu il mövsümünün final mərhələsinin püşkü atılıb

Martın 6-da AFFA-nın Futbol Akademiyasında Region Liqasının 2018/2019-cu il mövsümünün final mərhələsinin püşkü atılıb.

Xezerxeber.az xəbər verir ki, püşkatma mərasimində AFFA-nın kütləvi futbol departamentinin rəhbəri Cahangir Həsənzadə, Məşqçilər Komitəsinin üzvləri və iştirakçı komandaların nümayəndələri iştirak edib.

Püşkatmaya əsasən, birinci pley-off mərhələsində "İmişli”-"FC Baku”, "Füzuli”-"Ümid” (Cəlilabad), "Şirvan” (Ağdaş)-"Ağsu Siti”, "Şahdağ” (Qusar) – "Göyəzən” (Qazax), "Energetik” (Mingəçevir)-"Salyan” və "Uğur Sumqayıt”-"Alyans” görüşləri keçiriləcək.

Birinci pley-off mərhələsinin ilk oyunları martın 9-10-da, cavab görüşləri ayın 16-17-də təşkil olunacaq.