Madrid "Real"ının yarımmüdafiəçisi İsko komandadan ayrılacağı ilə bağlı yayılan informasiyalara münasibət bildirib.
AS nəşri xəbər verir ki, 26 yaşlı ispan belə deyib: "Məqsədim karyeramı "Real”da davam etdirməkdi. Burda özümü xoşbəxt hiss edirəm. Əsas hədəfim isə mümkün qədər çox titul qazanmaqdı. "Real”la olan müqaviləmin müddəti 2022-ci ilin yayına qədərdi. Başqa kluba keçmək niyyətində deyiləm”.
Bu mövsüm İspaniya La Liqasında 11 oyuna çıxan İsko 1 qol, 2 məhsuldar ötürmə ilə yadda qalıb. Onun baş məşqçi Santyaqo Solari ilə mübahisə etdiyi və komandadan ayrılacağı iddia olunub. Fransanın PSJ klubu İskonu heyətinə qatmaq üçün futbolçunun atası ilə görüşüb.
Fanat.Az