Emeridən Məhəmməd Salah etirafı

"Arsenal"ın baş məşqçisi Unai Emeri "Liverpul"un ulduzu Məhəmməd Salahla bağlı açıqlama verib.

İspan mütəxəssis PSJ-də çalışdığı dönəm misirli hücumçunu transfer etmək fikrində olduqlarını deyib:

"PSJ-də işlədiyim dönəmdə Salahın transferiylə bağlı danışıqlar aparmışdıq. "Roma"da oynayırdı və bizbir qədər şübhələndik. Ancaq "Liverpul"a transfer olanda bütün şübhələri alt-üst etdi. Əgər dünyanın beş ən yaxşı futbolçusunu saysaq, Salah da onlardan biridir".

Qeyd edək ki, "Liverpul" 26 yaşlı futbolçunu "Roma"dan 2017-ci ilin yayında 50 milyon avroya transfer edib.