"Real"ın uzun müddətdi heyətinə qatmaq istədiyi Mauro İkarda "İnter"də qalacaq.
Bu barədə argentinalı futbolçunun həyat yoldaşı və meneceri Vanda Nara məlumat verib.
Nara "Twitter"də etdiyi paylaşımda "Gecə saat 00.30-du və mən hələ də müqavilənin səhifələrini oxuyuram" yazıb və həyat yoldaşını etiketləyib.
Bundan sonra "İnter"in İkardi ilə 2023-cü ilədək yeni müqavilə imzaladığı və maaşını 7 milyon avroya qaldırdığı bildirilib.
Qeyd edək ki, İkardi bu mövsüm oynadığı 19 oyunda 13 qol vurub və 2 məhsuldar ötürmə edib.
Fanat.Az