Xəzər Xəbər

Belə vəziyyətlərlə çox rastlaşmışıq - Ruslan Abışov

İdman | 10:43 • 9 Dekabr 2018
Belə vəziyyətlərlə çox rastlaşmışıq - Ruslan Abışov

"Neftçi”nin kapitanı Ruslan Abışov paytaxt klubunun azarkeşlərinə səslənib.

Təcrübəli futbolçu klubun rəsmi saytı vasitəsilə fanatları Topaz Premyer Liqasında ilin son ev matçına çağırıb:

"Komandamız "Sumqayıt”la oyuna böyük həvəslə hazırlaşıb. Heyətdə ciddi itkilər var və bu, bizə müəyyən çətinliklər yarada bilər. Bu cür vəziyyətlərlə çox rastlaşmışıq. Lakin hər dəfə də azarkeşlərimizin möhtəşəm dəstəyi sayəsində istədiyimiz nəticəni əldə etmişik. İnanıram ki, bu dəfə də belə olacaq. Yenə də əsas ümidimiz onlaradı. "Sumqayıt”la görüş Premyer Liqadakı sonuncu ev oyunumuzdu. Bu qarşılaşmada qələbə qazanmaq bizim üçün çox vacibdi. Bütün "Neftçi” azarkeşlərini stadiona dəvət edirəm”.

Xəbər lenti