Fransanın PSJ futbol klubunun iki superulduzu - Neymar və Kilian Mbappe zədələnib.
Hər iki futbolçu milli yığmanın oyununda ciddi zədə alıb.
Braziliyanın Kamerun ilə oynadığı yoldaşlıq matçının (1-0) ilk dəqiqələrində vurduğu zərbədən sonra qasıq bölgəsindən zədə alan Neymar ilkin tibbi müdaxiləyə rəğmən, oyuna davam etməyib. Neymar 8-ci dəqiqədə oyundan ayrılıb.
Mbappe isə Fransanın Uruqvay ilə qarşılaşdığı yoldaşlıq matçında (1-0) rəqibin qapıçısı ilə ikili mübarizədən sağ çiynindən zədə alaraq ayrılıb və 36-cı dəqiqədə meydançanı tərk edib.
Futbolçuların PSJ ilə 24 noyabrda Fransa liqasında "Tuluza”, 28 noyabrda isə UEFA Çempionlar Liqasında "Liverpul”la qarşı çıxış edib-etməyəcəyi sual altındadır.