Xəzər Xəbər

Ronaldo şəraba 31 min avro xərclədi

İdman | 12:54 • 15 Noyabr 2018
Ronaldo şəraba 31 min avro xərclədi

"Yuventus”un hücumçusu Kriştiano Ronaldo istirahət etməyə hələ də vaxt tapa bilir.

Portuqaliyalı superulduz xanımı Corcina Rodrigeslə birlikdə Londonda yorğunluğunu çıxarıb.

Cütlük əvvəlcə Royal Opera Evində baletə tamaşa edib. Bununla bağlı Corcina instaqram hesabından paylaşım edib və gözəl rəqsə görə rəqqaslara minnətdarlığını bildirib. Uşaqlıqdan balet vurğunu olduğunu bildirən Rodriges Kriştianonun Londonda ona etdiyi bu sürprizdən xoşbəxt olduğunu dilə gətirib.

Ardından yerli otellərdən birində məskunlaşan ailənin bir gecə üçün ödədiyi məbləğ 10 min avrodan çox olub. Xüsusi restoranlardan hesab edilən bir məkana yollanan Ronaldo, xanımı və böyük oğlu orda tennisçi Novak Cokoviçlə görüşüb. Maraqlıdır ki, Ronaldo cəmi 15 dəqiqə ərzində şərab üçün 31 min avrodan çox xərc çəkib. Onlar əvvəlcə qiyməti 20 min avro dəyərində olan dünyanın ən bahalı şərabını sifariş ediblər. Ardından isə 10 min avroluq başqa bir şərabı da yoxlayıblar.

Ronaldo və ailəsinin Londona səfərinin məqsədlərindən biri Novak Cokoviçin oyununu izləməkdi.

Xəbər lenti