Azərbaycan millisinin və "Qəbələ”nin futbolçusu Araz Abdullayev karyerasını Yunanıstanda davam etdirəcək.
27 yaşlı yarımmüdafiəçinin xidmətində Super Liqa təmsilçi "Panionios” maraqlıdır.
Məlumatı saytımıza açıqlamasında "Qəbələ”nin meneceri Səbuhi Səfiyarlı da təsdiqləyib: "Bəli, təklif var. Arazın özü də Yunanıstanda oynamaq istəyir. Danışıqlar yekunlaşmaq üzrədir. Şərtlərlə bağlı razılıq əldə olunub. Bu gün-sabah müqavilə imzalanmalıdır”.
Xatırladaq ki, Araz Abdullayev 2001-2002-ci illərdə də "Panionios”da çıxış edib.
Qeyd edək ki, Araz Abdullayev ötən mövsüm icarə əsasında Kiprin "Anortosis” klubunun formasını tərlədib./Yenicag.az