Ramosdan Maradonaya cavab: "Argentina tarixinin ən yaxşısı Messidi"

İspaniya milli komandasının kapitanı Serxio Ramos argentinalı futbol əfsanəsi Dieqo Armando Maradonanın cavabını verib.

32 yaşlı müdafiəçi Messinin ondan yaxşı futbolçu olduğunu bildirib: "Məncə Maradona bir ulduzdu. İllərdir Argentinada onun ən yaxşı olduğu deyilir. Amma fikrimcə Argentina tarixinin ən yaxşı futbolçusu Messidi".

Qeyd edək ki, Maradona Ramos haqda "O, bir ulduz deyil. Qodin əsl ulduzdu, çünki, sizi müdafiə edir, hücuma çıxarır, və qol vurur" ifadələrini işlətmişdi.