Ronaldo və Neymarın qiyməti bəlli oldu: "Real" Neymara astronomik maaş təklif etdi

İspaniya nəhəngi "Real Madrid” PSJ-nin ulduzu Neymarı transfer etməkdə israrlıdır.

İspanlar Fransada xoşbəxt olmadığı iddia edilən Neymar üçün Paris klubuna 350 milyon avro təklif etməyə hazırdır.

"Real” yay transfer pəncərəsi bağlandıqdan sonra sərbəst qalma hüququ 300 milyon avroya düşməsinə rəğmən, Neymara 45 milyon avro maaş təklif edir.

Əlavə olaraq, ispanlar Neymarın transferi qarşılığında pul vəasiti ilə yanaşı, PSJ-yə bir oyunçu da vermək niyyətindədir.

Ötən mövsüm PSJ-də 30 rəsmi matça çıxan 25 yaşlı braziliyalı 29 qol vurub, 16 məhsuldar ötürmə edib.

Bu arada, "Real Madrid”lə yolları ayrılacağı deyilən Kriştiaono Ronaldonun sərbəst qalma qiyməti bəlli olub. 1milyard dollar qarşılığında sərbəst qalma hüququ olan Ronaldonun qiyməti 200 milyon avroya endirilib. Onunla "Mançester Yunayted”, "Yuventus” və PSJ maraqlanır./publika.az