Hiquain:
İsrailə getməməyin doğru olduğunu düşünürük
İdman
|
10:32 • 6 İyun 2018
Argentina və İsrail milli futbol
komandaları arasında Qüdsdə keçirilməsi planlaşdırılan hazırlıq matçı
ləğv edilib. Bu barədə
Argentina Futbol Federasiyası qərar qəbul edib.
İsrail millisi ilə işğal altında olan Qüdsdə 9 iyunda keçirilməsi
gözlənilən futbol matçı fələstinlilərin təzyiqindən sonra ləğv olunub.
Argentinalı ulduz futbolçu Qonzalo Hiquain "ESPN" telekanalına
müsahibəsində matçın ləğv edilməsini dəstəkləyib: "Ləğv qərarı
cəmiyyətin xeyrinə oldu. Nəticədə düzgün qərar verildi və bu məsələ
artıq geridə qaldı. Biz də İsrailə getməməyin doğru olduğunu düşünürük".
Qeyd edək ki, Fələstin xalqı yoldaşlıq görüşünü İsrailin Qüdsü işğal etməsini qanuniləşdirmək cəhdi kimi qiymətləndirirdi.