Xəzər Xəbər

Qaret Beyl ən yaxşı seçildi

İdman | 12:44 • 28 May 2018
Qaret Beyl ən yaxşı seçildi

"Real Madrid” klubunun uelsli futbolçusu Qaret Bayl UEFA Çempionlar Liqasının final qarşılaşmasının ən yaxşı oyunçusu seçilib.

XəzərXəbər UEFA-nın saytına istinadla xəbər verir ki, görüşün 61-ci dəqiqəsində meydana çıxan Q.Beyl 64-cü və 83-cü dəqiqələrdə iki baxımlı qola imza ataraq "Real Madrid” klubunun 13-cü çempionluğunu təmin edib.

Final matçının baş texniki müşahidəçisi Peter Rudbek: "Biz qarşılaşmanın ən yaxşı oyunçusu üçün Qaret Beylı seçdik. Çünki o, meydana oyunun bitməsinə yarım saat qalmış çıxdı və öz gözəl qolu ilə matçın gedişini dəyişdi”.

Qeyd edək ki, Qaret Beyl final matçında iki qol vurmaqla UEFA Çempionlar Liqasının tarixində bu turnirin final qarşılaşmalarında dubl edən yeddinci futbolçu olub. Beyldən əvvəl bu göstəriciyə Daniel Massaro (Milan, 1994), Karlheynz Ridli (Borussiya Dordmund, 1997), Hernan Krespo (2005), Filippo İnzaqi (Milan, 2007), Dieqo Millito (İnter, 2010) və Kriştiano Ronaldo (Real Madrid, 2017) nail olublar.

Xəbər lenti