Riçard Almeyda "Qarabağ"dan ayrılır

Növbəti mövsümdə ölkəmizi Çempionlar Liqasında təmsil edəcək "Qarabağ"dan ayrılacaq ilk futbolçu məlum olub.

Ağdam klubunu aparıcı üzvü Riçard Almeyda tərk edəcək. Millimizin Braziliya əsilli yarımmüdafiəçisi "Qarabağ"la başa çatacaq müqaviləsini uzatmayacaq. Bu barədə komandanın baş məşqçisi Qurban Qurbanov verib. Mütəxəssis bildirib ki, Almeydanın yaxşı təklifləri var və qalmaq ehtimalı azdır.

2012-ci ildən "Qarabağ"da çıxış edən 29 yaşlı yarımmüdafiəçi bu mövsüm Topaz Premyer Liqasında 22 oyuna (1659 dəqiqə) 5 qol vurub.