"Barselona"nın əməkdar futbolçusu Andres İnyestanın Çin klubu "Çuntsin Lifan” ilə bağladığı müqavilənin detalları məlum olub.
Klub təcrübəli futbolçuya 81 milyon avro müqabilində 3 illik müqavilə təklif edib. Əlavə olaraq, klub İnyestanın öz adı ilə istehsal etdirdiyi şərablardan 6 milyon şüşə alacaq. Bu isə 36 milyon avro deməkdir.
Qeyd edək ki, Andres İnyesta 2001-ci ildən "Barselona"nın formasını geyinir. O, klubu ilə 8 dəfə İspaniya çempionluğu və 6 dəfə ölkə kubokunu qazanıb, 4 dəfə Çempionlar Liqasının, 3 dəfə UEFA Super Kubokunun qalibi olub.