Çempionlar Liqasının yarımfinal mərhələsi çərçivəsində son oyunda "Liverpul"la görüşəcək "Roma"nın matç üçün iştirak ərizəsi məlum olub.
İtaliyanların heyətində 21 futbolçunun adı yer alıb.
Qapıçılar: Alisson Bekker, Lukaş Skorupski, Andrea Romaqnoli
Müdafiəçilər: Luka Pelleqrini, Juan Jesus, Aleksandr Kolarov, Elio Kapradossi, Federiko Fazio, Alesandro Florensi, Bruno Peres, Kostas Manolas
Yarımmüdafiəçilər: Raca Nainqqolan, Lorenzo Pelleqrini, Daniele De Rossi, Maksim Qonalon, Gerson
Hücumçular: Edin Ceko, Patrik Şik, Cengiz Ünder, Mirko Antonuççi, Stefan Əl Şəravi
***
Bu gün Çempionlar Liqasının yarımfinal mərhələsi çərçivəsində daha bir oyun baş tutacaq.
Mərhələnin cavab matçında "Liverpul” səfərdə "Roma”nın qonağı olacaq.
İngiltərədə keçirilən ilk görüşdə 5:2 hesabı ilə qalib gələn ingilislər oyuna arxayınlıqla çıxacaq. "Roma” isə möcüzə axtarışında olacaq. ¼ finalda "Barselona"nı 3:0 hesabı ilə məğlub edən italiyalıların çətinliyin öhdəsindən gəlib-gəlməyəcəyi hər kəsdə maraq oyadıb.
Matç İtaliyanın "Olimpiya" stadionunda, Bakı vaxtilə saat 22:45-də başlayacaq.
Qeyd edək ki, bugünkü matçdan qalib ayrılan komanda finalda "Bavariya”nı turnirdən uzaqlaşdıran "Real”ın rəqibi olacaq.
2 may
Çempionlar Liqası
Yarımfinal: cavab oyunları
22:45. "Roma" (İtaliya) - "Liverpul" (İngiltərə)
İlk oyun - 2:5
Baş hakim: Damir Skomina (Sloveniya)
Roma. "Olimpiya” stadionu