"Real” artıq yeni mövsümün komandasını qurmaq üçün hazırlıqlara başlayıb.
"Kral klubu” yayda bir neçə səs-küylü transferlər etmək niyyətindədi. AS nəşrinin iddiasına görə, "Real” bir neçə top-futbolçu ilə maraqlanır.
Madridlilər "Real Sosyedad”ın futbolçusu Alvaro Odriosolini heyətə cəlb etmək üçün danışıqlara başlayıb. Onun transfer qiymətinin 40 milyon avro olduğu bildirilir.
Markos Lyorente "Real”ı tərk etsə, "Borussiya”dan Yulian Vayql, ya da "Liverpul”dan Əmrə Canın transfer edilməsi planlaşdırılır.
"Real” hücum xəttində də ciddi dəyişiklik etmək niyyətindədi. Əsas hədəf isə "Bavariya”nın futbolçusu Robert Levandovskidi. Qaret Beyl komandanı tərk etsə, "Liverpul”dan Məhəmməd Salahın da transferi prioritet hədəf olacaq.
Nəşrin iddiasına görə, "Çelsi”dən Eden Hazard və PSJ-dən Neymarın transferi ilə bağlı da məsləhətləşmələr aparılır. (Komanda.az)
