"Qarabağ"ın sabiq futbolçusu Reynaldo Silva Qazaxıstanın "Aktobe" klubuna transfer edilib.
Baxışdan uğurla keçən braziliyalı yarımmüdafiəçi ilə müqavilə imzalanıb.
Sözləşmənin müddəti 2019-cu ilin dekabr ayına qədərdir.
Qeyd edək ki, 2013-16-cı illərdə Ağdam klubunda çıxış edən 28 yaşlı hücumçu ardıcıl 3 dəfə - 2013/14, 2014/15 və 2015/16 mövsümlərində Azərbaycan çempionu, 2014/15 və 2015/16 mövsümlərində isə Azərbaycan kubokunun qalibi olub.