Messini geridə qoydu

"Mançester Siti”nin yarımmüdafiəçisi Kevin De Bruyne məhsuldar ötürmə ilə bağlı göstəricisini bir qədər də yaxşılaşdırıb.

Xezerxeber.az məlumat verir ki, ulduz futbolçu Premyer Liqanın XXVII turunda "Lester”lə qarşılaşmada 3 assistlə yadda qalıb. Cari mövsüm meydana çıxdığı 37 görüşdə 11 qol və 18 məhsuldar ötürməyə imza atan belçikalı 2012-ci ilin avqustundan bəri Avropada ən çox qol ötürməsi verən futbolçularının sıralamasında liderliyə yüksəlib. Assist sayını 77-yə çatdıran "şəhərlilər”in lideri bununla "Barselona”nın ulduzu Lionel Messini də geridə qoyub.

Qeyd edək ki, "Mançester Siti”-"Lester” oyunu meydan sahiblərinin 5:1 hesablı qələbəsi ilə nəticələnib.