Futbol üzrə İtaliya çempionatının 24-cü turunun "Fiorentina”ya qarşı keçirilən oyunu "Yuventus”un qapıçısı Canluici Buffon üçün əlamətdar olub.
AZƏRTAC xəbər verir ki, "Yuventus”un 2:0 hesablı qələbəsi ilə yekunlaşan matç qapıçının Turin klubunun heyətində A Seriyasında 500-cu oyunu kimi tarixə düşüb.
Buffon "Yuventus”a 2001-ci ildə "Parma”dan transfer olunub. O, Turin komandasının heyətində ümumilikdə 640 matç keçirib ki, onun da 500-ü ölkə çempionatına təsadüf edib.