"Antalyaspor"u "soyan" 2 legioner: Nasri və Eto

Qış fasiləsində Samuel Eto və Samir Nasri ilə yollarını ayıran "Antalyaspor"un 13 milyon avroya qənaət etdiyi ortaya çıxıb.

İki futbolçunun illik məvacibi birlikdə 10.5 milyon avro təşkil edirdi. Nasri 6 ay çıxış etdiyi Antalya klubuna ciddi fayda verməsə də, şəxsi büdcəsinə 5 milyon avro əlavə edib. Eto isə rəhbərlikdən mövsümün ortasında yeni müqavilə tələb edib. O, "Beşiktaş"a qarşı oynamaqdan və stadionda komandanı dəstəkləməkdən imtina edib. Buna baxmayaraq, rəhbərlik kamerunlu forvarda 1 illik yeni müqavilə təklif edib.

"Bu klub aşağı dəstəyə düşəcək. Belə komandada oynamaq istəmirəm" - deyən Eto bu təklifi rədd edib. "Antalyaspor" rəsmilərini təəccübləndirən məqam turnir cədvəlində klubun qonşusu olan "Konyaspor"la anlaşması olub. Konya təmsilçisi ilə 2.5 illik müqavilə imzalayan Eto 2 milyon avro məvacib alacaq.

Samir Nasrinin müqaviləsində yer alan maddələr da maraq doğurur. Fransalı yarımmüdafiəçi sözləşməsinə oyuna, qola, məhsuldar ötürməyə görə bonuslar saldırıb. Nasrinin müqaviləsindəki maliyyə detalları:

İllik məvacib - 7 milyon

Müqaviləni pozmağa görə təzminat - 1 milyon

Bonuslar:

Oyuna görə - 50 min

Qola görə - 50 min

Məhsuldar ötürməyə görə - 25 min avro .