UEFA "Real Madrid”in Daniel Karvaxalla ilə bağlı apellyasiya müraciətinə baxıb.
AZƏRTAC UEFA-ya istinadla xəbər verir ki, ispan müdafiəçiyə verilən 2 oyunluq cəza qüvvədə qalıb. Beləliklə, Karvaxal "PSG”yə qarşı Çempionlar Liqasının səkkizdəbir finalında keçiriləcək ilk matçı buraxmalı olacaq.
26 yaşlı futbolçu Çempionlar Liqasının qrup mərhələsində APOEL-lə oyunda qəsdən sarı vərəqə almaqda ittiham olunurdu. Bununla da cəza limitini dolduran futbolçu "Borussia” ilə qrup mərhələsində keçirilən son oyunu buraxmışdı.