Beynəlxalq Olimpiya Komitəsinin (BOK) prezidenti Tomas Bax "Pxençan-2018” Qış Olimpiadasının Olimpiya kəndində barışıq divarının açılışını edib.
Xezerxeber.az TASS agentliyinə istinadən xəbər verir ki, hündürlüyü 3 metr, uzunluğu 6,5 metr olan beton divar sülhü və müharibələrin dayandırılmasını simvolizə edir. Bu, Olimpiya Oyunlarının qədim ənənələrindən biri sayılır.
Fevralın 25-dək davam edəcək yarışlar zamanı Olimpiya kəndində yaşayan idmançılar dünyaya müraciətlərini barışıq divarındakı yazıları ilə çatdıra bilərlər.