Milli komandamızın üzvü Riçard Almeydanın "Bursaspor”a gedişi reallaşmayacaq. "Qarabağ” braziliyalı yarımmüdafiəçini buraxmaqdan vaz keçib.
Dino Ndlovu və Tarik Elyunussi kimi
aparıcı futbolçularını itirən, lakin hələ də transfer etməyən ağdamlılar
daha bir liderini əldən vermək istəmir. Yerli oyunçu kimi limitə də
yararlı olan Riçard bu səbəbdən ən azı yaya kimi komandada qalacaq.
"Bursaspor"un 1,75 milyon avro (təxminən 3.7 milyon manat) transfer
haqqı təklif etdiyi deyilən oyunçunun satışı yalnız yayda mümkündü.
Ağdam klubunun meneceri Asif Əsgərovsa futbol11.az saytına onunla bağlı
ümumiyyətlə, müraciət almadıqlarını bildirib: "Almeyda ilə bağlı bizə
heç bir klubdan rəsmi təklif gəlməyib. Heç biz özümüz də bu futbolçunu
satmağı düşünmürük. O, hazırda "Qarabağ"dadır və karyerasını da bizim
klubda davam etdirəcək".
Fanat.Az
