68 milyon avroluq transfer rəsmən açıqlandı

"Arsenal" heyətini yeni futbolçu ilə gücləndirib.

Pyer-Emerik Aubameyanq Dortmund "Borussiya"sından "Arsenal"a transfer olunub.

Bu barədə hər iki klubun rəsmi saytı az öncə açıqlama yayıb.

Bildirilib ki, "Arsenal" və "Borussiya" qabonlu futbolçunun transferini razılaşdırıb. Müqavilənin detalları və ödəniləcək məbləğ barədə məlumat verilməyib. Amma "Arsenal"ın bu keçidə görə "Borussiya"ya 68 milyon avro ödəyəcəyi bildirilir.

Qeyd edək ki, "Borussiya" Aubameyanqı 2013-cü ildə "Sent-Etyenn"dən 13 milyon avroya alıb. Qabon millisinin üzvü alman klubunda indiyədək 212 oyun keçirərək 172 qol vurub.