Gələn mövsümdən Çempionlar Liqasının
oyunları fərqli saatda keçiriləcək.
XəzərXəbər-in UEFA-nın rəsmi saytına istinadən məlumatına görə, artıq qrup mərhələsindən etibarən matçlar Bakı vaxtı ilə 23:45-də start götürməyəcək.
Belə ki, qitə futbol qurumu qarşıdakı 3 mövsümdə (2018-19, 2019-20, 2020-21) oyunların start fitinin indikindən 15 dəqiqə gec başlamasını qərara alıb. Hər oyun günü 2 qarşılaşma 22:00-da, 6 görüş isə 00:00-da başlayacaq. UEFA azarkeşlərin daha çox və keyfiyyətli oyun izləmələri üçün bu addımı atdığını bəyan edib.
Qeyd edək ki, gələn mövsümdən Çempionlar Liqasının formatı da dəyişdiriləcək.