"Barselona”nın argentinalı ulduzu Lionel Messi karyerasını bitirəcəyi klubun adını açıqlayıb.
Leo "Barselona”dan sonra "Nyuels Old Boyz”da oynamaq istədiyini bildirib.
30 yaşlı ulduz futbola başladığı kluba dönməyin xəyalını qurduğunu deyib: "Sabah nə olacağını bilmirik. Bəlkə də Argentinaya qayıtdım. "Nyuels"də oynamaq xəyalımdır. Bunun nə vaxt həyata keçəcəyini bilmirəm”.
Qeyd edək ki, futbola "Nyuels Old Boyz”un futbol məktəbində başlayan Messi, 2000-ci ildə "Barselona”ya gəlib./publika.az