"Mançester Yunayted”in yarımmüdafiəçisi Adnan Yanuzay karyerasını İspaniyada davam etdirəcək. Belçikalı futbolçu "Real Sosyedad”la anlaşıb.
Baş məşqçi Joze Mourinyonun gələcək planlarına daxil olmayan 22 yaşlı hücumameyilli futbolçu La Liqa təmsilçisi ilə 5 illik müqavilə imzalayıb. Bu keçid "qırmızı şeytanlar”a 10 milyon avro qazandırıb.
Qeyd edək ki, 2013-cü ildən "Mançester Yunayted”in əsas komandasında yer alan Adnan Yanuzay bu müddət ərzində Dortmund "Borussiya”sı və "Sanderlend”də icarə əsasında çıxış edib.