Pakistanın Kəraçi şəhərində irimiqyaslı yanğın baş verib.
İxlas xəbər agentliyi məlumat verir ki, gecəqonduların yerləşdiyi ərazidə qeydə alınan yanğın zamanı azı 400 ev külə çevrilib. Hadisə nəticəsində azı 2 nəfər xəsarət alıb. Tələfata dair məlumat yoxdur. Yüzlərlə insan evsiz qalıb. Onlar müvəqqəti düşərgələrə yerləşdirilib.
Məlumata görə, xilasedicilər sakinləri vaxtında təxliyə edərək, irimiqyaslı tələfatın qarşısını alıb. Faciənin səbəbləri məlum deyil.