Suriyanın şimalında təhlükəsizlik zonasının yaradılmasına dair razılıq əldə olunub

Türkiyənin milli müdafiə naziri Hulusi Akar ilə ABŞ-ın Suriya üzrə xüsusi nümayəndəsi Ceyms Ceffrin arasında Ankarada keçirilən görüşdə Suriyanın şimalında təhlükəsizlik zonasının yaradılmasına dair razılıq əldə olunub.

Xezerxeber.az Türkiyə Milli Müdafiə Nazirliyinin rəsmi saytına istinadən xəbər verir ki, bu razılıq əsasında hər iki ölkənin hərbçilərindən ibarət qrup nəzərdə tutulan təhlükəsizlik zonasının əlaqəli şəkildə yaradılması üçün zəruri sayılan məsələləri yerinə yetiriblər.