Xəzər Xəbər

Qeyri-sabit hava nə qədər davam edəcək? VİDEO

Veb TV | 20:35 • 17 Yanvar 2019
Qeyri-sabit hava nə qədər davam edəcək?

Dünən axşamdan başlayan yağıntılı və güclü küləkli hava şəraiti bu gecə də davam edəcək. Bakıda sulu qar, bölgələrdə isə dağlıq ərazilərdə qar yağacaq. Sabah günorta saatlarından isə havanın mülayimləşəcəyi proqnozlaşdırılır.

Ekologiya və Təbii Sərvətlər Nazirliyi bu gecə və sabah müşahidə edilən hava şəraiti ilə bağlı məlumat yayıb. Milli Hidrometeorologiya Departamentinin əməkdaşı Gülçin Sadıxova deyir ki, qeyri-sabit hava şəraiti bu gecə də davam edəcək. Paytaxt Bakı da daxil olmaqla bölgələrdə şimal qərb küləyi güclənəcək.Yağış və sulu qarın yağması davam edəcək.

Gülçin Sadıxovanın sözlərinə görə ifrat təhlükəli hava şəraiti sabah günorta saatlarından sonra mülayimləşəcək. Temperatur bir qədər yüksələk.

Bundan əlavə küləyin sürəti azalaraq saniyədə 13-18, bəzi yerlərdə isə 20-23 metr təşkil edəcək. Dənizdə dalğaların hündürlüyü azalaraq 3-5 metr olacaq.

Xəbər lenti