Məlum olub ki, şirkət illərdir uşaq kirşanının ("prisıpka”) tərkibində sağlamlıq üçün təhlükəli olan asbestin olmasından xəbərdardır və bunu gizlədib. Xəbərin yayılmasından sonra şirkət tarixinin ən ağır günlərini yaşayır.
"Johnson & Johnson” yayılan iddiaları təkzib edib, onu birtərəfli, yalan və təhrikedici adlandırıb.
Xatırladaq ki, 2016-cı ildə ABŞ-ın Missuri ştatının məhkəməsi kosmetik məhsul istehsalçısını həmin şirkətin məhsullarından istifadə edərək xərçəngə yaxalandığını iddia edən qadına 55 milyon dollar ödəməyə məcbur etmişdi.
Cari ildə isə Missuri məhkəməsi "Johnson & Johnson”un üzərinə 22 qadına 4,69 milyard dollar ödəməklə bağlı öhdəlik qoyub.
Qeyd edək ki, 1886-cı ildə yaradılan şirkət dünyanın ən iri kosmetik və sanitar-gigiyenik məhsul istehsaçılarındadır. (Qafqazinfo.az)